 |
| مكونات الإطار المفاهيمي لإعداد وعرض القوائم المالية |
الفصل الأول.. هدف التقارير المالية:
الهدف الأساسي من القوائم المالية هو:
- تقديم معلومات مفيدة للمستثمرين، والدائنين، وأي طرف بيستخدم القوائم، علشان يقدروا ياخدوا قرارات اقتصادية (زي الاستثمار أو الإقراض).
- بتوضح أداء المنشأة (ربحت؟ خسرت؟) ووضعها المالي (عندها أصول قد إيه؟ عليها ديون؟).
 |
| هدف التقارير المالية تقديم معلومات مفيدة |
الفصل الثاني .. الخصائص النوعية للمعلومات المالية المفيدة:
علشان المعلومات تكون مفيدة، لازم يكون فيها خصائص معينة:
الخصائص الأساسية:
- الملاءمة (Relevance): يعني المعلومة تكون لها علاقة بالقرار اللي هيتاخد.
- التمثيل الصادق (Faithful Representation): المعلومة تعكس الواقع فعلاً، بدون تزييف أو حذف معلومات مهمة.
خصائص داعمة:
- القابلية للمقارنة
- القابلية للتحقق
- التوقيت المناسب
- القابلية للفهم
 |
| الخصائص النوعية للمعلومات المالية المفيدة |
الفصل الثالث... القوائم المالية والمنشأة معدة التقرير:
- القوائم المالية بتخص كيان محدد (زي شركة معينة)، وبتوضح معلومات عن هذا الكيان فقط.
- يعني مش بنخلط بين بيانات الشركة وبيانات المالك أو شركات تانية.
 |
| القوائم المالية والمنشأة معدة التقرير |
الفصل الرابع.. عناصر القوائم المالية:
دي المكونات الأساسية لأي قائمة مالية، وهي:
- الأصول (Assets): حاجات تملكها الشركة ليها قيمة (زي النقد، المباني، البضاعة).
- الالتزامات (Liabilities): ديون أو التزامات على الشركة.
- حقوق الملكية (Equity): الفرق بين الأصول والالتزامات (اللي يخص أصحاب الشركة).
- الإيرادات (Income): اللي بتكسبه الشركة.
- المصروفات (Expenses): اللي بتصرفه الشركة علشان تشتغل.
 |
| عناصر القوائم المالية |
الفصل الخامس.. الإعتراف وإلغاء الإعتراف:
- الاعتراف (Recognition): يعني إمتى نسجل بند في القوائم المالية؟ (لازم تتوفر شروط معينة).
- إلغاء الاعتراف (Derecognition): يعني إمتى نمسح أو نشيل بند من القوائم، لما يبطل ينطبق عليه الشروط.
 |
| الإعتراف وإلغاء الإعتراف |
الفصل السادس.. القياس المحاسبي:
هو الطريقة اللي بنستخدمها لتحديد قيمة البنود اللي في القوائم.
في كذا طريقة للقياس زي:
- التكلفة التاريخية
- القيمة العادلة
- القيمة الحالية
 |
| القياس |
الفصل السابع.. العرض والإفصاح في القوائم المالية:
- العرض: يعني ترتيب المعلومات في القوائم (فين نحط كل عنصر؟).
- الإفصاح: يعني شرح إضافي للأرقام والمعلومات في الهامش أو ملاحظات القوائم.
 |
| العرض والإفصاح |
الفصل الثامن.. مفاهيم رأس المال والمحافظة عليه:
بيتكلم عن مفهوم رأس المال (إيه هو؟)
وبيوضح طرق الحفاظ عليه:
- من الناحية المالية (الفلوس اللي استثمرها أصحاب الشركة).
- أو من ناحية القوة الشرائية (بعد ما نحسب التضخم).
 |
| مفاهيم رأس المال والمحافظة عليه |