عشان نفهم إزاي نقيّم جودة المعلومات المالية في القوائم، لازم نعرف:
ما هي الصفات اللي تجعل المعلومة المالية “مفيدة” فعلًا لمستخدمي التقارير؟
مش أي رقم أو بيان مالي يكون مفيد — لكن فقط المعلومات اللي بتتصف بخصائص معينة، وده بالضبط اللي بتوضحه المعايير الدولية لإعداد التقارير المالية (IFRS).
 |
| الخصائص النوعية للمعلومات المالية المفيدة |
📚 تنقسم الخصائص النوعية للمعلومات المالية المفيدة إلى مجموعتين أساسيتين:
🟩 أولًا: الخصائص الأساسية (Fundamental Qualitative Characteristics)
دي الخصائص اللي لازم تتوافر في أي معلومة مالية عشان تكون فعلاً مفيدة وموثوقة.
1️⃣ الملاءمة (Relevance)
تعني إن المعلومة تكون مرتبطة بالقرار المالي اللي المستخدم هيخده، وتساعده في التنبؤ أو التأكيد على الاتجاهات المستقبلية.
المعلومة تكون ملائمة إذا احتوت على:
- 🔮 قيمة تنبؤية (Predictive Value): تساعد المستخدم يتوقع المستقبل.
- ✅ قيمة تأكيدية (Confirmatory Value): تمكنه من تأكيد أو تعديل توقعاته السابقة.
لو أرباح الشركة زادت في سنة 2025، فده ممكن:
- يخليك تتوقع زيادة الأرباح في 2026 (قيمة تنبؤية).
- وتأكد صحة توقعك السابق إن الأداء بيتحسن (قيمة تأكيدية).
المعلومة لازم تكون مادية (Material) — يعني حذفها أو تغييرها ممكن يؤثر على القرار المالي.
لو المعلومة بسيطة وغير مؤثرة، فوجودها أو غيابها مش هيفرق في الحكم.
 |
| المعلومة المالية تكون ملاءمة لوفيها قيمة تنبؤية وقيمة تاكدية |
2️⃣ التمثيل الصادق (Faithful Representation)
يعني إن المعلومة تعكس الواقع الاقتصادي الحقيقي، مش الشكل القانوني فقط.
ولتحقق التمثيل الصادق، لازم تكون المعلومات:
- ✅ كاملة (Complete): مش ناقصة، وتشرح كل الجوانب المهمة.
- ⚖️ محايدة (Neutral): مش منحازة لطرف معين.
- 🧹 خالية من الأخطاء (Free from error): سواء في الحساب أو العرض أو التفسير.
لو الشركة بتسيطر على شركة تانية، بنضم حساباتهم مع بعض في "قوائم موحدة"، حتى لو قانونًا هما شركتين منفصلين. ده لأن "جوهر" العلاقة هو السيطرة.
لازم يكون مع الملاءمة.
ممكن المعلومة تكون صحيحة لكن مش مفيدة — زي أصل تم تسجيله كهبة بقيمة رمزية (دينار واحد): المعلومة صحيحة، لكن قيمتها التحليلية ضعيفة.
 |
| لتمثل المعلومة الواقع لابد ان تكون كاملة ومحايدة وخالية من الاخطاء |
🟨 ثانيًا: الخصائص الداعمة (Enhancing Qualitative Characteristics)
الخصائص دي مش بديل عن الأساسيات، إنها "تحسّن" جودة المعلومات المالية وتخليها أكثر فائدة، بس لازم نعرف إنها ما تنفعش لوحدها — يعني لو المعلومة مش ملائمة أو ما بتمثلش الواقع بصدق، الخصائص دي مش هتخليها مفيدة.
 |
| الخصائص الداعمة |
1. القابلية للمقارنة (Comparability)
يعني:
هل أقدر أقارن أداء الشركة مع:
- نفسها في سنوات مختلفة (مثلاً: أرباح 2024 وأرباح 2025)
- أو مع شركات تانية في نفس المجال؟
- لازم الشركة تستخدم نفس السياسات المحاسبية كل سنة.
- ولو غيرت طريقة المعالجة، لازم توضح السبب والتأثير.
ممكن نفس الحدث الاقتصادي يتسجل بأكتر من طريقة صحيحة، بس كل ما زدنا الطرق البديلة، كل ما صعّبنا المقارنة بين الشركات.
🔍 2. القابلية للتحقق (Verifiability)
يعني:
هل ممكن ناس مختلفة (محاسبين مثلًا) يوصلوا لنفس النتيجة لو استخدموا نفس البيانات ونفس الطريقة؟
1. تحقق مباشر:
يعني تقدر تشوف بنفسك – مثال: جرد النقدية في الخزنة (جرد نقدي).
2. تحقق غير مباشر:
تراجع المدخلات وتعيد الحسابات – مثل مراجعة قيمة المخزون عن طريق التأكد من:
- الكمية × التكلفة
- وطريقة حساب التكلفة (مثلاً: FIFO – الوارد أولاً يصرف أولاً).
🕒 3. التوقيت المناسب (Timeliness)
يعني:
المعلومة لازم توصل في الوقت المناسب قبل ما تفقد قيمتها.
لو تقرير الأرباح خرج بعد 6 شهور من نهاية السنة، ممكن يكون فات أوان استخدامه لاتخاذ قرار استثماري.
لأن في عالم المال، المعلومات "بتبطل بسرعة"، والمستثمرين محتاجين معلومات حديثة علشان يقدروا يتوقعوا ويخططوا.
🧠 4. القابلية للفهم (Understandability)
يعني:
هل المعلومة معروضة بطريقة مفهومة وواضحة؟
- تصنيف وتنظيم المعلومات كويس.
- الشرح يكون بسيط قدر الإمكان، من غير تعقيد مبالغ فيه.
- مش معنى كده إننا نلغي المعلومات المعقدة.
- لو في بنود صعبة (زي المشتقات المالية)، لازم تتشرح بشكل مبسط وواضح، ما أمكن.
وبيُفترض إن اللي بيستخدموا التقارير عندهم معرفة أساسية بالمحاسبة وعندهم استعداد يبذلوا جهد للفهم والتحليل.
حتى لو المعلومات فيها كل الخصائص الداعمة دي، مش هتفيد المستخدمين لو:
- مش ملائمة (يعني مش مرتبطة بالقرار).
- أو ما بتمثلش الواقع بصدق.
يعني الأساس هو الملاءمة + التمثيل الصادق، وبعد كده تيجي الخصائص الداعمة كـ "مكملات".
💰 قيود (محددات) على التقارير المالية: "تكلفة مقابل منفعة"
- مش كل معلومة مفيدة لازم نعرضها.
- لازم نسأل: هل المنفعة من عرض المعلومة تستحق التكاليف؟
- لو تكلفة إنتاج المعلومة (زي وقت، فلوس، جهد) أكبر من الفايدة اللي هتضيفها، ممكن ما نعرضهاش.
✅ ومافيش قاعدة أو رقم ثابت نحكم بيه، هي مسألة تقديرية بتعتمد على الحالة.
🧾 ملخص سريع للخصائص الداعمة:
